طفل بدون جواز
سلام عليكم الموضوع ان ولدي ما عندة جواز ولا بطاقه الذكيه من جه ولدي على الدنيا كل مشاكل
مع ابوة وظليت في بيت أهلي لين ما ولدت حتى الجاهل ما كان يصرف عليه ولا عليي لان ما يشتغل
بس كان يأخذ من الشؤون ومن الغلاء المعيشي ومن بدل سكن ولا فلس كان يعطي الجاهل كلمانه اهله
علشان يصرف عليه ويسوي حق الجاهل جواز ولا في فايدة يعطون الاذون الصمخه ما ظل احد ما
كلامنه ولا في فايدة كانو يحقرون وظل الجاهل بدون مصروف وبدون جواز حتى رحت المحكمه ورفعت
عدت قضايا ولا في فايدة ما كان يحضر ولا جلسه فقط اني اللي كنت احضر بعد جم سنه من العذاب
في المحاكم رحت حق مجلس الأعلى للمرأة وقلت ليهم السالفه والحمد الله الله يخليهم ويطول عمرهم
وكلوا لي محاميه شاطرة جزاها الف خير وتطلقت من ابوة بعد ست سنوات من المعانه في المحاكم
حصلت على الطلاق وحصلت على حضانه الطفل بس الحين المشكله الأكبر ان ابغي اسوي حق الجاهل
جواز طبعنا اللعام في شهر رمضان راح الأبو علشان يسوي حق الجاهل جواز بعد المعاناها وقع على
الاستمارة علشان يسون حق الجاهل جواز كان موظف الجوازات بدخل المعلومات في الكمبيوتر طلع
على الأبوة قضيه قال ليه الموظف ان ما اقدر اسوي جواز حق الجاهل يوم سألنا الموظف ليش قال
لينا ان الاب عليه قضيه قال الأبو حق الموظف ان بريئ ما عليه تهمه قال ليه الموظف خذ الكتيب اللي
يثبت انك بريئ وودة مركز الشرطه وقول ليهم السالفه انك تبغي تسوي حق الجاهل جواز بس الأبو
ما راح مركز الشرطه وظل الجاهل بدون جواز لين ما صار عمره ست سنوات تدرين انه الأبو كان يجي
يجوف الجاهل في السنه مرة وحدة بس يوم تطلقت من الأبو رحت المحاكم الاداريه ورفعت قضيه
علشان اسوي حق الجاهل جواز جه يوم الجلسه حضرت فيها اني بس سألني القاضي وين ابو الطفل
قلت ليهم مسجون قال لي القاضي راجعي شؤون الهجرة والجوازات يوم رحت شؤون الهجرة والجوازات
عطيتهم الاوراق اللي تخصني وتخص الجاهل من كلشي وكنت اروح من قسم الى قسم قالو لي روحي
حق المسؤول رحت حق المسؤول ووقع على الاوراق وأخذوهم مني قالوا لي بيطرشونهم حق المسؤولها الكبيرة فوق
أخذو رقم التلفون يوم ثاني اتصلوا لي قالو لي ان المسؤولها رفضت يسون حق الجاهل جواز قلت ليهم
ليش قالوا لي لان القضيه تأجلت قلت ليهم المحكمه الاداريه م قالو لي هي الكلام كل اللي قالوا لي
راجعي شؤون الجوازات وجوفي اذا بسون حق الجاهل جواز بس ما قالوا لي انها تأجلت قالت لي
الموظفها تأجلت لان ممثل الجوازات ما حضر الجلسه ولحد الحين ما حددو لي موعد ثاني حق الجلسه
تعبت نفسيتي تعبت وش اسوي وش الحل علشان بس ممثل الجوازات ما حضر رفضو يسون حق الجاهل
جواز
|
العرض العادي
